Microsoft e 40 caixas de aforros analizan os beneficios da tecnoloxía para mellorar a eficiencia e competitividade

Baixo o lema Tres pantallas e unha nube. Un mundo por crear, Microsoft reune en Santiago de Compostela durante os días 10 e 11 de marzo a 40 Caixas de Aforros na novena edición do Fórum Microsoft de Caixas de Aforros. Este encontro, ten como obxectivo principal achegar a tecnoloxía de Microsoft máis idónea para que as Caixas Aforros sexan máis eficientes e competitivas.
Agora máis que nunca, a implantación de tecnoloxía innovadora é o aliado ideal para as Caixas de Aforros, en prol de mellorar a súa produtividade e eficiencia. As Tecnoloxías da Información e, en concreto, o software son imprescindibles nestes momentos como facilitadoras da innovación necesaria para mellorar significativamente a produtividade nos procesos comerciais e na xestión interna das Caixas de Aforros.
Carmen Arangure, directora comercial do Sector Financeiro de Microsoft Ibérica destacou que «dende Microsoft cremos que as TI son o único medio que pode lograr que unha Caixa de Aforros impulse á vez o aforro de custos, a produtividade e a innovación, alcanzando un novo nivel de eficiencia, ao tempo que lle permite poder dedicalo máis tempo a atender as súas prioridades de negocio e comerciais».