Pleiteando.com estrea Área Premium

As redes sociais non teñen sempre carácter global e horizontal coma Facebook ou Twitter, existindo plataformas verticais dirixidas a responder a demandas do mercado como a luguesa Pleiteando.com, que busca converterse nun referente en cuestións legais (tanto para particulares como para profesionais) en España e América Latina, para o que leva meses procurando axudar a que todo aquel que precise axuda en torno a cuestións como separacións, disolucións empresariais, herdanzas, accidentes, multas… poida atopar rapidamente unha solución, apoiando esta busca de profesionais da avogacía en ferramentas da web social, en constante evolución, e que nos pasados días deu un importante paso para capitalizar este proxecto: a apertura dunha Área Premium.

Neste novo espazo da rede social xurídica creada en Lugo será posible crear un perfil premium persoal ou corporativo (cun prezo de 3 euros/mes) onde amosar toda a información de carácter profesional do usuario, como a información de contacto, as áreas de especialidade, ligazóns a páxinas web e a outras redes sociais, vídeos relativos á actividade profesional, un mapa de localización, información relativa aos colexios profesionais, aos idiomas, aos honorarios, xeitos de pagamento aceptados, casos nos que se tivese intervido… podendo tamén acceder a unha completa estatística para analizar o retorno da presenza en Pleiteando.
Os usuarios poden localizar a diferentes profesionais, para consultar as súas fichas, remitirlles consultas e incluso poder realizar unha comparación dos mesmos. Tamén existe unha sección para a promoción publicitaria de servizos nesta plataforma que conserva a súa área social tradicional, pero que grazas á nova Área Premium conseguen un mellor aproveitamento do servizo por parte de profesionais.

Vídeo de introdución á Área Premium de Pleiteando.com