Facebook Ofertas estréase en España

Esta mañá Facebook presentou o seu servizo Place Deals en Europa, que en España coñecerase coma Facebook Ofertas, e como aconteceu na versión norteamericana presentada o pasado mes de novembro, e que permite aos negocios locais achegar a clientes potenciais que estean preto dos seus locais o acceso a ofertas coma reclamo.
Mentres nos EE.UU. as compañías que participaron no lanzamento deste servizo realizaron rechamantes campañas (Gap regalou 10.000 pantalóns vaqueiros, H&M deu un 20% de desconto, McDonald’s e Starbucks realizaban doazóns de 1 dólar por cliente e os San Francisco 49ers permitían aos 200 primeiros seareiros que fixeran check in a posibilidade de marcar entradas a un partido de fútbol americano por só 49 dólares), en España serán compañías coma El Corte Inglés, BBVA, Starbucks, Sol Meliá, F.C. Barcelona e Clinique as que estrearán Facebook Ofertas.
O servizo baséase en Facebook Lugares, e serve para conectar a consumidores e negocios, non achegando Facebook ingresos directos por este servizo no que poden darse de alta de balde os negocios que o desexen.