R participará na poxa de 270 Mhz do espazo radioeléctrico

Once operadores participarán na poxa de 270 Mhz do espazo radioeléctrico. Entre a listaxe de aspirantes hai presenza galega, máis polo miúdo a do operador R, que xunto coas restantes compañías concorrrerá por 58 bloques de frecuencias de bandas de 800 Mhz, 900 Mhz e 2,6 Xhz. As ofertas, segundo informa o Ministerio de Industria, suman un prezo de saída de 1.453 millóns de euros.
A poxa ficará aberta á participación de tódolos operadores, e desenvolverase a través dun bo número de roldas de importe ascendente, dando comezo estas antes do 30 de xuño. A poxa en cuestión ten o seguinte obxectivo: poñer a disposición das compañías do sector todo o espectro sen fíos, incrementar a cobertura de servizos de banda larga en mobilizade en áreas rurais “reducindo a fenda dixital” e fomentar a innovación e a competencia no sector.
O proceso, que xa deu por rematada á avaliación en detalle da documentación presentada, chegou á admisión de 11 licitacións para participar na poxa convocada polo Ministerio de Industria que outorgará as concesións de emprego privativo de dominio público radioeléctrico nas devanditas bandas. Os operadores admitidos son os seguintes: Vodafone, Telefónica, Euskaltel, France Telecom, Ono, Jazz Telecom,Telecom Castilla La Mancha, R, Telecable de Asturias, Opnatel e COTA.