Completan a oferta de canles da TDT en Folgoso do Courel, Samos e Monterrei

Pese a que o apagamento analóxico televisivo xa tivo lugar hai xa máis dun ano, o proceso de dixitalización da oferta televisiva aínda está vivo, con cambios de frecuencias de distintas canles que forzan á resintonización dos televisores e receptores de TDT e a adaptación de infraestruturas, polo que hai galegos que ata finais de 2013 non terán un acceso completo a oferta de canles da TDT, nun proceso que vai a bo ritmo e ao que nestes días sumáronse Folgoso do Courel, Samos e Monterrei.
Os novos múltiplex de TDT que comezan a funcionar hoxe en Folgoso do Courel beneficiarán a 600 habitantes de Folgoso do Courel e Quiroga; e os de Samos farán o seu con 700 habitantes dos concellos de Samos e Sarria. Os novos programas incorporaranse na seguinte estrutura de canles:
• Canle 47: TVEHD, TDP (Teledeporte)
• Canle 44: Cuatro, Canal+Dos, LaSexta2, LaSexta3, LaSextaHD
• Canle 32: Boing, TelecincoHD, MTV, La 10
• Canle 58: Nitro, Antena3HD, MarcaTV, 13TV
Os novos múltiplex de TDT de Monterrei botarán a andar mañá, beneficiando a preto de 4.000 persoas dos concellos de Verín, Monterrei, Oimbra, Vilar de Vós e Castrelo de Val, na seguinte distribución de programas:
• Canle 47: TVEHD, TDP (Teledeporte)
• Canle 53: Cuatro, Canal+Dos, LaSexta2, LaSexta3, LaSextaHD
• Canle 39: Boing, TelecincoHD, MTV, La 10
• Canle 43: Nitro, Antena3HD, MarcaTV, 13TV
Os interesados en ter información sobre o seu centro emisor e a cobertura da TDT poden informarse a través da páxina web da Oficina Técnica da TDT.