Óscar Pereiro contará a súa experiencia coa tecnoloxía na Radio Galega

O programa Banda Ancha da Radio Galega, galardoado recentemente cun Premio INNOVA-G, continúa co seu labor de difusión da tecnoloxía en Galicia, polo que este sábado a partires das 15:00 horas realizará un repaso da actualidade da semana grazas á colaboración de Código Cero, aproveitando a ocasión para profundar nas actividades de Gradiant da man do seu director xeral, Fernando Pérez-González, quen deu conta de que a súa entidade está a buscar xerente.
O espazo radiofónico desta semana convidou ao gañador do Tour de Francia de 2006, Óscar Pereiro, un dos galegos con máis seguidores en Twitter, a compartir os seus primeiros contactos co mundo da tecnoloxía e o uso actual que fai da mesma. E como colofón do programa de tecnoloxía da Radio Galega Juan Gestal de PixFans comentará algúns dos moitos tópicos que podemos ver con certa frecuencia nos videoxogos.