Best Buy quere rematar coa práctica do showrooming

A competencia das tendas en liñas tende a ser brutal porque a distancia entre establecementos é de só un clic, pero coa emerxencia dos smartphones e a banda larga móbil a mesma situación está a trasladarse aos establecementos físicos, poñéndose de moda o showrooming, ou sexa, que os usuarios ven os produtos nas tendas, para logo adquirilos a un prezo máis reducido a través da Internet, o que levou a grandes cadeas de electrónica de consumo estadounidense como Best Buy a tomar medidas, comprometéndose a ofrecer o prezo máis baixo dispoñible localmente tanto en tendas físicas como en liña, de xeito que igualarán os prezos das tendas locais e de 19 grandes competidores en liña (como Amazon.com, Target.com, Newegg.com, Tigerdirect.com, Bhphotovideo.com, Apple.com, Hp.com e Wallmart.com).
A nova política de prezos pode visibilizarse claramente ao ver que os prezos de Bestbuy.com son iguais que nas tendas físicas, algo que é menos habitual do desexable na meirande parte de cadeas comerciais (o que tamén acontece en España, onde resulta difícil comparar prezos en liña por non coincidir cos presentes na rúa), e que outros poderían imitar de funcionar esta nova estratexia comercial que, por desgraza, levou a Best Buy a mudar a súa política de devolucións, reducindo o prazo de 30 a 15 días (coincidindo co tempo no que pode reclamarse o prezo máis baixo dun produto).