A empresa española Brainstorm Multimedia cederá de balde á Universidade de Santiago, durante un ano, un total de 21 licencias temporais de software do produto eStudio para o seu emprego en proxectos docentes. Lembrar que Brainstorm Multimedia conta nas súas fileiras cun vello coñecido do sector TIC galego, Miguel Churruca, previamente director do departamento de Marketing e Comunicación da santiaguesa Blusens. A firma na que desenvolve agora o seu labor está especializada en desenvolvemento de programas e visualizacións interactivas en tempo real.
En palabras do propio Churruca,“Brainstorm Multimedia é un líder global en solucións de grafismo broadcast no que hai grandes posibilidades de desenvolver estratexias innovadoras de imaxe de marca para a nosa extensa gama de produtos que son referentes xa no mercado nas súas respectivas categorías”.
A cesión de licenzas á USC formalizarase a través dun convenio de colaboración que asinarán este mércores 12 ás 11.00 horas no despacho do reitor Juan Casares Long e o director de Marketing e Comunicación de Brainstorm Multimedia, Miguel Churruca.
Brainstorm Multimedia cederá á USC licenzas de software de xeito temporal
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
