Amosan en vídeo o que podería ser o Menú de Inicio de Windows 9

Coa presentación de Windows 8.1 dende Microsoft adiantaron que estaban a preparar unha renovación do Menú de Inicio do sistema operativo que mesturaría o Menú de Inicio clásico co presente na interface moderna de Windows 8 en dúas columnas, o que sería un cambio moito máis profundo do que poderiamos pensar inicialmente, pois non só suporía integrar as baldosas activas no escritorio tradicional, senón que tamén implicaría a integración de aplicacións con interface moderna dentro de fiestras, tal e como podemos ver nun vídeo filtrado sobre o que podería ser o futuro Windows 9.
Podemos así botar unha ollada aos cambios que está a preparar Microsoft para Windows, que posiblemente estarán dispoñibles nunha versión preliminar para desenvolvedores que podería ver a luz o mes que vén, para poder actualizar Windows 8.1 a Windows 9 en 2015.
A interface amosada dá a impresión de que sería unha evolución dos cambios que experimentou Windows 8.1 para responder mellor en equipos sen pantalla táctil e, de feito, parece probable que a pantalla de Inicio manterase para interfaces táctiles, de xeito que o novo Menú de Inicio sería unha opción (de feito, a mesma páxina web que filtrou o vídeo comentado tamén publicou un vídeo no que non aparecen as baldosas activas no Menú de Inicio).

Vídeo no que podemos ver como sería o Menú de Inicio de Windows 9