As Google Glass poderían axudar ás persoas con eivas auditivas a comunicarse

Non son poucas as aplicacións que nos últimos meses se buscaron ás lentes de Google, e aínda que a meirande parte están destinadas a un público xeral, investigadores de Georgia Tech preferiron pensar nas persoas con discapacidade auditiva, e desenvolveron Captioning on Glass, unha solución que aproveita o recoñecemento de voz dende un smartphone que opera a xeito de micrófono remoto, que debe soster un interlocutor para que as súas palabras se convertan en texto que a outra persoa ve directamente na pantalla das súas Glass, facilitando a transcrición consecutiva que polo momento funciona en inglés, español, francés, ruso, coreano e xaponés.
Podemos ver esta ferramenta como un subtitulador da realidade, e como principal eiva teríamos o feito de ter que achegar o noso smartphone a un interlocutor, o que non parece a opción máis prudente no caso de querer conversar con descoñecidos, aínda que sempre sería posible empregar algún sistema alternativo para a captación do son (como un micrófono externo) para evitar ter que deixar o noso smartphone en mans dunha persoa de pouca confianza. Polo momento este tecnoloxía só funcionaría con smartphones con Android, onde instalar a correspondente aplicacións de Captioning on Glass (sendo tamén preciso instalar a aplicación correspondente nas Google Glass).

Demostración do funcionamento de Captioning on Glass