Estíbaliz Espinosa impartirá un obradoiro sobre literatura na Rede

A Rede cada vez xoga un rol máis importante no mundo literario, de xeito que o contorno dixital, en vez de substituír ao libro, compleméntao, de xeito que a literatura ten unha segunda vida na Internet, tema que vai centrar un obradoiro na Coruña no que a poeta Estíbaliz Espinosa fará, entre outras cousas, un achegamento ás novas propostas dixitais que hibridan tecnoloxía, poesía e artes.
O obradoiro Palabras na Rede desenvolverase o 23 de outubro ás 19:30 horas na Biblioteca Municipal de Estudos Locais, dentro do programa Ler conta moito da Xunta de Galicia, e ante as limitacións de aforo é preciso formalizar a inscrición para poder acceder a esta actividade de balde. Os interesados poden así inscribirse presencialmente na propia bibliioteca, por teléfono (981 174 386) ou por correo electrónico.