Telefónica tiña rexistradas este mércores 3.438 avarías por mor dos lóstregos

Telefónica informou este mércores da cantidade que incidencias provocadas (milleiros) na súa infraestrutura polas treboadas do día anterior, que multiplicaron por 6 o número de avarías na nosa terra. Por provincias, a máis afectada foi a da Coruña, con 3.438 avarías rexistradas ata este mércores por mor dos lóstregos, “un 1.000% máis que a media por estas datas”. Segundo informou a compañía, foron mobilizados 870 profesionais para tentar restablecer a normalidade “o máis axiña posible”. Para a operadora, a situación desencadeou unha mobilización “sen precedentes de recursos humanos e materiais”.
Nestes momentos, explicase no rexistro informativo de onte, “hai abertos en toda Galicia 5.556 partes de avarías provocadas por raios, seis veces máis da media habitual nestas datas.” Como se dixo, a provincia máis afectada é a da Coruña, con 3.438, o que supón multiplicar por dez a media habitual, e a de Lugo, con 933, ou sexa, oito veces máis que a media por estas datas. En Pontevedra houbo 1005 avarías (un 400% máis). A provincia de Ourense foi a menos afectada, rexistrando na mañá do mércores180 avarías, dúas veces máis do habitual.
Como se dixo, Telefónica mobilizou 870 persoas, entre persoal técnico propio e o de empresas colaboradoras como Montelnor ou Liteyca, á vez que se trouxo de maneira urxente un total de 1.500 router de ADSL, 500 decodificadores de Imagenio e 100 terminais fixas, “ademais de centenares de dispositivos afectados polos lóstregos, como é o caso das tarxetas electrónicas das centrais”, explica a operadora.