Veeam amosará en Santiago as últimas novidades en materia de virtualización

Veeam Software, empresa provedora de solucións de dispoñibilidade para centros de datos, vén de anunciar unha edición especial da súa xira Veeam on Tour en Santiago de Compostela, no Hostal dos Reis Católicos. A compañía amosará na cita galega as últimas novidades en materia de virtualización, amais de expoñer en detalle os detalles do seu produto estrela, Veeam Availability Suite V8. O evento será polo tanto o vindeiro 18 de novembro e está dirixido a socios e clientes da empresa. Haberá conferencias, presentacións, mesas redondas interactivas e demostracións en directo, ademais de sesións de preguntas e respostas e debates abertos.
Na xira participarán como patrocinadores NetApp, HP e VMWare. O rexistro para o evento é gratuíto e as prazas limitadas. Contarase coa presenza, entre outros, de Alexis de Pablos e Javier Gegúndez, director técnico e partner account manager de Veeam Iberia, respectivamente. A cita dará comezo ás 9.00 horas co rexistro e benvida aos asistentes.