Gmail estrea nova versión web

O servizo de correo electrónico de Google, Gmail, está a experimentar o seu meirande cambio en varios anos, cunha renovación moi evidente a nivel estético que aprovéitase para introducir novas funcións, facendo que esta ferramenta de produtividade sexa máis útil e práctica que nunca. Este novo deseño é polo momento opcional, ou sexa, que se prememos no botón de configuración da páxina web de Gmail teremos a opción de probar o novo deseño, para así ir afacéndonos á súa interface moderna. Será posible seguir a mesma mecánica para volver ao deseño anterior se non estamos cómodos cos cambios introducidos.
Unha das novidades que temos agora en Gmail é a de adiar mensaxes, ou sexa, que cando recibamos unha comunicación nun momento que no podamos atendela, podemos premer na icona dun reloxo que aparece na nosa caixa de correo e así definir cando queremos que a mensaxe volva para que poidamos respondela axeitadamente.
Tamén poderemos definir a densidade de visualización de Gmail, contando nun dos seus modos coa posibilidade de acceder aos documentos adxuntos dunha mensaxe sen ter que entrar na mesma, o que agradecerán algúns usuarios.
O novo Gmail incluirá recordatorios rápidos do temas que temos pendentes e tamén está a incorporar as respostas intelixentes, de xeito que axudará a que respondamos ás nosas mensaxes dun xeito máis áxil.
A seguridade tamén mellorará, e así recibiremos alertas apareza unha mensaxe de correo electrónico que poida carrexar algún risco.
Un detalle que tamén resulta moi de agradecer e o novo modo confidencial, que permite controlar como se reenvía, copia, descarga ou imprime a nosa mensaxe, o que é de grande utilidade para cando remitamos información sensible por correo electrónico. Tamén pódese facer que unha mensaxe caduque pasado un tempo establecido, para que así teñamos un maior control da información.