Advirten das malas prácticas de MediaMarkt no seu Día Sen IVE

No mes de novembro teñen lugar un par de períodos de rebaixas que afectan especialmente ao sector da electrónica de consumo, como son o 11.11 (o día dos solteiros en China que en España nótase principalmente a través de AliExpress) e o Black Friday (que nos últimos anos converteuse no principal día de ofertas antes da campaña de Nadal), e para anticiparse a esta febre consumista e así ter unha maior oportunidade de venda, MediaMarkt celebra hoxe o seu Día Sen IVE¸ activo na súa páxina web dende onte pola noite, e repetindo unha vez máis a polémica por mor das manipulacións de prezos e stocks, así como do engano ao facer crer ao público que está ante un desconto do 21%.
Desta volta, Twitter está a ferver de usuarios que denuncian que a poucas horas da promoción de MediaMarkt desapareceron as existencias de certos produtos moi atractivos, como os iPhone Xs e Xr, o patinete eléctrico de Xiaomi, o Samsung Galaxy Note9 con 128 GB de capacidade, o Apple Watch series 4, o Huawei Mate 20 Pro, o Mi A2, o Xiaomi Mi 8… de xeito que evitan así aplicarlles descontos a estes produtos.
Máis polémica é tamén a sospeitosa suba de prezos nas últimas horas, de xeito que o MacBook Air pasa de custar 920 euros a venderse a 1.095 euros, de xeito que tras o desconto o prezo quedaría en 904,96 euros, desconto realmente insignificante con respecto a prezo que o equipo tiña a semana pasada.
Pero un dos detalles nos que máis hai que incidir é no truco que teñen este tipo de campañas que, aínda que anuncian un «-21% de IVE», está a confundirse ao consumidor, xa que o desconto parte do prezo neto, non do prezo bruto, de xeito que o desconto real sería do 17,36%, desconto que supérase en moitas ocasións ao longo do ano ou incluso buscando noutras tendas, de xeito que o mellor consello que pode facerse para este tipo de promocións é limitarse a mercar produtos cun prezo oficial coñecido (como, por exemplo, consolas de videoxogos), mentres que o resto de adquisicións precisarían dunha maior reflexión e, como mínimo, unha busca noutras tendas en liña para confirmar se estamos realmente ante unha rebaixa substancial que compense a compra compulsiva.