Espérase que en 2020 a telefonía móbil 5G sexa unha realidade a nivel global, e para preparar o terreo Intel anuncia o seu modem XMM 8160, que poderá dar conectividade 5G a ordenadores, teléfonos e outros dispositivos.
Este modem de Intel permitirá velocidades de acceso de ata 6 Gbps, o que supón multiplicar entre 3 e 6 a velocidade dos modems LTE actuais, aínda que para poder gozar deste novo modem haberá que agardar á segunda metade de 2019, de xeito que non se prevé que teñamos dispositivos que os incorporen ata a primeira metade de 2020.
Dende Intel salientan que o seu novo modem é multimodo, ou sexa, que non só soporta 5G, senón que tamén integra conectividade 4G, 3G e 2G nun único chip, permitindo así que poidamos conectarnos á Rede en case calquera lugar, xa que poderiamos aproveitar a cobertura de datos da telefonía de anteriores xeracións.
O novo modem 5G de Intel non chegará ao mercado ata 2020
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
