Tumblr volve á App Store

A aparición de pornografía infantil en Tumblr levou a Apple a eliminar a súa aplicación móbil da App Store, e iso parece ter sido o detonante para que a plataforma social decidise endurecer as súas políticas de contidos, pasando de tolerar os contidos para adultos correctamente etiquetados a prohibilos, xogada que parece ter funcionado de cara a Apple que por fin restaura a aplicación de Tumblr na App Store, de xeito que pode volver instalarse, aínda que o prezo pagado foi moi elevado, e posiblemente a plataforma remate esmorecendo tras esta crise de reputación tan mal xestionada.
Os cambios nas políticas de Tumblr incomodaron a moitos usuarios, que están a buscar alternativas, de xeito que nas vindeiras semanas é de esperar que a comunidade de usuarios de Tumblr remate mudando a outra casa que saiba conservar as dinámicas que fixo célebre a Tumblr, pero mantendo a súa liberdade á hora de publicar contidos que noutros espazos máis familiares resultarían molestos.