O Papa Francisco convida a rezar coa axuda dunha aplicación móbil

Durante o rezo dominical do Ángelus na Praza de San Pedro, o Papa Francisco presentou o seu perfil de usuario en Click To Pray, a aplicación móbil oficial da Rede Mundial de Oración do Papa, que inclúe á súa rama xuvenil, o Movemento Eucarístico Xuvenil (MEJ).
O pontífice lembrou que esta semana desenvólvese a XXXIV Xornada Mundial da Xuventude (JMJ) en Panamá e pediu aos fieis que oren por este evento e anunciou que esta semana publicarase unha Mensaxe para a Xornada Mundial das Comunicacións Sociais, que este ano conterá unha reflexión sobre as comunidades da Rede e a comunidade humana.
O Papa Francisco asegurou que «Internet e as redes sociais son un recurso do noso tempo, unha ocasión para estar en contacto cos demais, para construír os valores e proxectos e para expresar o desexo de facer comunidade», lembrando que a Rede tamén pode servir para orar xuntos, de aí que amosase ao público unha tableta na que podía verse o seu perfil en Click To Pray, aplicación que podemos descargar para iOS e para iPad, e que durante a celebración da JMJ servirá para rezar un Rosario pola Paz co Papa.
Click To Pray convida a realizar tres oracións diarias, e incluso facilita a programación de horarios para recibir notificacións que nos lembren que é hora de rezar. Tamén conta con seccións para rezar co Papa e para unirse a outros usuarios para rezar xuntos en liña e compartir oracións.