Samsung Electronics vén de anunciar que ao longo do presente ano pretenden substituír os materiais plásticos nas embalaxes dos seus produtos por papel e outros elementos sustentables ambientalmente. Xa na primeira metade de 2019 procurarán que os smartphones, tabletas e outros produtos para o mercado doméstico comecen a empregar na súa embalaxe papel e bioplásticos ou plásticos reciclados, para o que organizaron un equipo que se encargará de levar a bo porto ideas innovadoras para embalar os seus produtos.
Samsung non se limitará a cambiar as caixas dos seus produtos, senón que fará cambios máis importantes, como facer que os cargadores dos seus móbiles teñan un acabado mate, evitando así a necesidade de empregar plásticos protectores, reducindo así o uso de plásticos.
No caso das bolsas de plástico que protexen televisores, frigoríficos, lavadoras e outros electrodomésticos, Samsung apostará por bioplásticos e materiais reciclados.
Con estas medidas Samsung busca reducir a contaminación que provocan os seus produtos, para o que apostan por materiais sustentables ambientalmente incluso se iso supón un incremento de custos.
Samsung eliminará o plástico das súas embalaxes
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
