Movistar volve estar en cabeza en materia de atención ao cliente

A Asociación pro Dereitos Civís Económicos e Sociais (ADECES) vén de emitir o seu novo estudo (o doceavo) sobre os servizos de atención ao cliente dos operadores de telecomunicación con presenta no mercado estatal. A investigación, segundo reflicte a Unión de Consumidores de Galicia (UCGAL), volve poñer a Movistar á cabeza da clasificación. Pola contra, a parte máis baixa do ranking aparece ocupada por MásMóvil. Entre outros datos destacados tamén se fai saber que Orange e Jazztel efectúan ata 12 chamadas comerciais por usuario.
En termos máis concretos, Movistar consegue unha valoración global en atención ao cliente de 7,46 puntos, superando a MásMóvil, que ocupa a última posición, nun 31% e situándose por encima da media do resto de operadores en 15 puntos porcentuais. Na súa condición de grupos, Orange obtén 6,34 puntos e MásMóvil 5,99.
No que se refire ao parámetro específico da asistencia técnica, novamente Movistar resultar ser a operadora que presenta os mellores datos neste capítulo, ata alcanzar unha nota de 9,41. Séguenlle Euskaltel, aproximándose ao 8,50, e R, por encima dos 8 puntos. Superan os 7,5 Orange, Telecable e Vodafone. Coas menores puntuacións sitúase todo o Grupo MásMóvil: 5,21; 6,26 e 6,47 correspondentes a MásMóvil, Pepephone e Yoigo.
A resolución de incidencias a través da asistencia telefónica oscila entre o 33% de MásMóvil e o 78% de Movistar. Por enriba do 66% están Orange, Vodafone, Euskaltel e R. O resto supera o 55%. En canto ao tempo empregado na resolución de incidencias, con Movistar é de pouco máis de 43 horas. No caso de MásMóvil esta cifra aumenta ata as 215 horas; mentres que en Pepephone, Jazztel e Yoigo superan as 130. Orange aproxímase ás 100 horas. Por enriba das 70 horas atópanse Vodafone e Telecable e preto desa marca, tamén R. Polo súa banda Euskaltel presenta o segundo mellor rexistro, supera as 56 horas.
Polo que atinxe á atención comercial, as puntuacións oscilan entre os 7,13 puntos de Movistar e os menos de 6 puntos de Orange. O resto de operadores móvense nunha escala que vai desde os 6,07 puntos de MásMóvil aos 6,67 de Pepephone.