O potencial de Mautic para facernos avanzar en mercadotecnia dixital, este mércores da man do CDTIC

Proseguen adiante as actividades formativas virtuais do Centro Demostrador TIC de Galicia, en colaboración coa Asociación Compostela Monumental e co obxectivo de achegar formación avanzada ás nosas PEME, autónomos e profesionais para que avancen durante o Estado de Alarma nos seus procesos de dixitalización e consigan fortalecerse de cara ao remate gradual da crise. As dúas entidades lembran que este mércores 29 de abril celébrase online unha charla específica para o sector comercial e empresarial, unha sesión para dar pasos en materia de marketing dixital.
Este mércores día 29 de abril celebrarase a charla, Mautic: automatiza de forma sinxela as túas accións de mercadotecnia, impartido pola empresa Hacce, referente galego e estatal desde hai 15 anos no desenvolvemento de plataformas dixitais. A charla poderase seguir por medio de streaming, en horario de 10:00 a 10:45 horas, e nela explicaranse as posibilidades de Mautic na Mercadotecnia Automotion, as vantaxes desta ferramenta para o noso negocio e máis unha demostración práctica sobre o seu funcionamento.