Twitch recibe unha vaga de reclamacións de copyright polo uso de música sen licenza

As plataformas que permiten a publicación de vídeos na Rede teñen historicamente serios problemas para respectar o copyright, polo que estableceron mecanismos de reclamación dos dereitos de reprodución das obra, para que poidan solicitar a retirada de contidos que violen os seus dereitos, o que nalgúns casos convértese nunha reclamación case instantánea, pero que noutras ocasións pode chegar moito despois da publicación dos vídeos, o pode chegar a ser todo un problema, como estamos a ver nas últimas horas en Twitch, plataforma que vén de recibir por primeira vez reclamacións masivas por mor do uso de música de fondo en vídeos publicados entre 2017 e 2019.
A situación é tan grave que dende Twitch están a traballar en solucións que faciliten aos creadores afectados a ter un maior control sobre os seus clips para, por exemplo, poder realizar un borrado masivo de vídeos, xa que a acumulación de reclamacións de copyright pode levar ao peche das contas de usuario en Twitch, tirando por terra anos de traballo e unha comunidade de seareiros.
Segundo parece, boa parte das reclamacións recibidas van dirixidas a vídeos nos que se xoga a títulos como Just Dance ou Beat Saber, nos que escóitase música para a que os creadores dos contidos non posúen os dereitos de explotación, de aí que a súa incorporación aos vídeos non sería legal.
Dende Twitch lembran que só permiten o uso de música que sexa da propiedade do creador ou da que se teña licenza, así como de actuacións de Twitch Sings (karaoke no que Twitch encárgase de xestionar os dereitos de autor). Quedan así totalmente prohibidos contidos como programas de música de estilo radiofónico, sesións de DJ, actuacións de karaoke ordinarias, playbacks, descricións visuais de música e representacións de versións de cancións.