A segunda edición do Congreso Atlántico de Mercadotecnia Dixital, o Congreso Flúor, vaise celebrar este mes de xuño, entre o martes 16 e o xoves 18, en formato online e cun amplo programa de actividades para tocar todos os paus do que se vén chamando marketing tecnolóxico. Serán 19 actividades con máis de dúas ducias de relatores nacionais e internacionais.
O evento está aberto a todos os interesados no negocio dixital, con 12 conferencias, 3 mesas redondas e 4 obradoiros prácticos, durante 3 días. Participarán directivos de Google, Dropbox, Ikea, Telefónica, Estrella Galicia, Heineken, Sony, A3 Media, Prisa, PC Componentes ou LaLiga, ademais de diversas axencias e influencers.
O foro está promovido polo Clúster de Comunicación de Galicia, que integra a toda a cadea de valor do sector: mercadotecnia, publicidade, comunicación, impresión, deseño. As persoas interesadas en obter máis información ou formalizar a inscrición poden facelo na páxina web do evento.
Entre as relatoras e relatores destacan Adolfo Fernández, director global de Google na área de Shopping, Paulo Rodríguez, director de Solucións de Dropbox para Europa, Oriente Medio e África; Diana Morales, ex directora de Medios Sociais de Telefónica; Pablo Foncillas, conferenciante e asesor senior de compañías en innovación e mercadotecnia; Cristina Jover, directora de Marca de PC Componentes, Santiago Migúelez, director de Mercadotecnia de Estrella Galicia; Mónica Sors, influencer de moda e embaixadora de grandes firmas; Fidel Aibar, de Ikea España e Marga Figueiral, responsable de Marca de Heineken España.
As tres mesas redondas abordarán sectores en profunda transformación dixital como a loxística de entrega a domicilio ou delivery, onde intervirán empresas como Kibus ou Correos; a produción musical, con Sony e Warner, ou os medios de comunicación, con líderes no seu sector como A3Media ou Prisa, entre outros participantes. Para máis información, cómpre visitar os sitios do congreso nas redes sociais Facebook e Twitter.
O segundo Congreso Flúor debullará as vantaxes anti-COVID da mercadotecnia dixital
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
