Un grupo de investigadores do Centro de Investigación TIC (CITIC) da Universidade da Coruña coordina o proxecto europeo de innovación educativa AI+ Developing an Artificial Intelligence Curriculum adapted to European High School, que ten o obxectivo de desenvolver un plan de estudos de Intelixencia Artificial adaptado á educación secundaria en Europa.
O proxecto, que está liderado polo investigador da área de Intelixencia Artificial do CITIC, Francisco Javier Bellas Bouza, terá unha duración de tres anos e conta cun financiamento de 371.512 euros, o maior de todos os concedidos na convocatoria K201 (educación escolar) en 2019.
O consorcio que integra o proxecto está composto por seis socios de cinco países: España, Italia, Lituania, Eslovenia e Finlandia. O equipo do CITIC desenvolverá todos os resultados intelectuais en colaboración co resto dos centros escolares asociados.
Este traballo supón unha oportunidade tanto para a UDC como para o sistema educativo galego, xa que lle permitirá posicionarse como referente en innovación tecnolóxica en España e Europa, potenciando unha materia que se prevé que terá gran demanda nos próximos anos en todo o mundo.
Investigadores do CITIC coordinan a creación dun plan europeo de estudos de Intelixencia Artificial en secundaria
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
