O Grupo Euskaltel, do que forma parte a operadora galega R, vén de facer balance dos froitos acadados pola nova marca Virgin Telco ao longo do seu medio ano de andaina no territorio estatal (fóra dos ámbitos que ata o agora lle eran propios a Euskaltel: o galego, o vasco e o asturiano). Segundo fixo saber o grupo, a marca cumpriu 6 meses de vida con máis de 58.000 clientes. Neste período, conseguiu superar nun 23 % o obxectivo de usuarios fixos para final de ano.
Ademais, a compañía foi quen de cubrir case 21,5 millóns de fogares en todo o territorio nacional, “un gran despregue que foi posible grazas a importantes acordos con compañías do sector, como Telefónica, Orange e Adamo”, explicou Euskaltel, engadindo que o éxito debeuse sobre todo “a unha oferta flexible e unha nova filosofía centrada 100 % no cliente”.
Dos 58.000 clientes que apostaron por Virgin Telco dende o pasado 20 de maio, 43.000 son usuarios de servizos fixos e preto de 15.000, de móbiles.
Virgin Telco superou os 58.000 clientes nos seus primeiros seis meses de andaina
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
