A sexta edición de UNVEX celebrarse do 7 ao 9 de xullo en Santiago de Compostela

A sexta edición de UNVEX realizarase do 7 ao 9 de xullo na capital galega, Santiago de Compostela. O proxecto sumarase ao impulso que a Xunta, a través da Axencia Galega de Innovación (GAIN), está dando ao sector dos vehículos aéreos non tripulados e as tecnoloxías que os acompañan, os complementan e incrementan as súas potencialidades. A nova edición incorporará exposicións, conferencias e demostracións varias.
Despois das leccións aprendidas, a nova regulación europea e os múltiples proxectos que se realizan para integrar os UAS no espazo aéreo, a organización do evento sinala que “o vindeiro ano será clave para o desenvolvemento do sector e o coñecemento das oportunidades que xera a tecnoloxía”.
O esquema do programa de conferencias mantense en 2021. Tampouco mudan as empresas patrocinadoras e expositoras de UNVEX. Deste xeito, o proxecto está case completo entre as principais compañías do sector e fabricantes, ademais das pequenas e medianas empresas que axudan ao seu funcionamento no mercado.
O evento realizarase en xullo porque é un mes que ofrece unha mellor climatoloxía. Así, levaranse a cabo demostracións en vivo de sistemas aéreos non tripulados que sairán do Polo Aeronáutico de Galicia, situado en Lugo. Tamén se poderán visualizar embarcacións non tripuladas na Ría de Pontevedra.