Compostela Monumental ultima a distribución dos seus cursos de informática, nos que participarán 100 persoas

A Asociación Compostela Monumental celebrou online unha sesión de avaliación de nivel para distribuír ao centenar de participantes que formalizaron a inscrición nos distintos cursos de informática (nivel 1 e nivel 2) que ao longo do presente mes de febreiro organizará con motivo do seu Plan Integrado de Emprego para homes e mulleres sen traballo.
A idea da entidade empresarial compostelá é que “as persoas participantes reciban unha formación útil e necesaria para mellorar dubidas coñecementos e aumentar as súas posibilidades de atopar un emprego no sector servizos da cidade”.
Este novo programa Integrado de Emprego de Compostela Monumental prolongarase ao longo de todo o ano 2021 e máis en concreto, ata o 15 de novembro de 2021.
O obxectivo mínimo marcado de inserción é do 45%.
Esta acción de Compostela Monumental conta coa colaboración da Secretaría Xeral de Emprego da Xunta de Galicia.
A semana que vén realizaranse as probas de nivel para conformar os grupos de inglés nivel 1 e inglés nivel 2.