SmartPEME achéganos esta terceira semana de febreiro tres novos obradoiros en liña

A Deputación de Pontevedra, a través da rede de capacitación tecnolóxica SmartPEME (a disposición de persoas autónomas, profesionais e cidadanía), oferta esta semana tres novas accións formativas impartidas de maneira en liña, enmarcadas na carteira de obradoiros que se imparten de forma telemática.
As accións versan sobre a impresión 3D, sobre a obtención do valor dos datos con Google Data Studio e sobre a obtención de informes personalizados en Google Analytics.
En concreto, o xoves 18 impartiranse os obradoiros Impresión 3D VI: Laminador Cura II, a cargo do experto en robótica Manuel Freire, quen dará continuidade ao obradoiro impartido semanas anteriores e, por outra banda, Obtén o Valor dos teus Datos con Google Data Studio, que será impartido por María Aller, posgraduada en Comunicación Corporativa cun mestrado en mercadotecnia dixital.
O venres 19, Esther Garcinuño, enxeñeira técnica en Informática, impartirá Informes Personalizados en Google Analytics, introducindo os conceptos básicos desta potente ferramenta sobre as visitas na nosa web.