Na mañá deste 8 de xullo presentouse en Santiago a cuarta edición da Business Factory Aero (BFAero), aceleradora de proxectos aeroespaciais galegos impulsada pola axencia autonómica GAIN que nesta nova convocatoria reforza o seu obxectivo de ensanchar o ecosistema xerador arredor do Polo Aeroespacial de Galicia. Así o fixo saber na presentación o conselleiro de Economía Francisco Conde.
Na súa intervención, Conde destacou que esta iniciativa é posible grazas á colaboración público-privada coa participación do tecido empresarial de Lugo a través da CEL e co apoio dos centros tecnolóxicos e de coñecemento e dos socios estratéxicos da Xunta de Galicia no Polo Aeroespacial.
A aceleradora, dixo, contou ata a data con 19 empresas participantes, 60 traballos vinculados e máis de 5M€ de investimento mobilizado. Nesta nova edición destina 7,2M€ en fondos públicos para “apoiar a 25 empresas do sector entre esta convocatoria e a quinta”. O obxectivo, engadiu, é “seguir potenciando o ecosistema tecnolóxico no ámbito aeroespacial cun enfoque máis internacional e facer da BFAero un referente da UE de innovación aberta e disruptiva no sector”. O prazo da convocatoria estará aberto ata o 15 de agosto.
A nova edición da aceleradora BFAero quere ampliar o ecosistema galego aeroespacial
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
