Até 54 concellos de Pontevedra benefícianse xa do pulo á eAdministración da Deputación

Carmela Silva, presidenta da Deputación de Ourense, rematou o ano facendo un reconto dos principais fitos acadados pola Administración provincial en 2022, poñendo en foco en ámbitos como o tecnolóxico ou o turístico (transformación), entre outros.
Segundo fixo saber, a institución rematou 2022 xestionando máis de 228 millóns de euros, “un logro que é o resultado da suma dos 175,8 millóns de euros do orzamento inicial, os 37 millóns de euros incorporados nas modificacións de crédito e os 15,4 millóns de euros captados a través de fondos europeos”, dixo.
No que atinxe ao ámbito dixital e transformador, lembrou que a área de Novas Tecnoloxías supuxo un investimento de preto de 7 millóns de euros. Salientou a presidenta o impulso á Administración Electrónica, do que se benefician 54 concellos, así como padrón electrónico, ao que xa están adheridos 37 concellos.
Respecto do turismo, cuestión directamente relacionada co ámbito dixital, Silva lembrou que Turismo Rías Baixas xestionou en 2022 máis de 5,4 millóns de euros e xa ten en marcha o 80% das accións previstas no Plan Estratéxico 2021-2023. Entre os grandes fitos salientan os premios que acadan ano a ano as campañas turísticas da Deputación, os proxectos de transición dixital, a aposta para liderado en calidade turística (338 establecementos adheridos ao SICTED, cifra récord, e 12 distintivos Q de Calidade) e a captación de 3,5 millóns de euros dos Next Generation para os Plans de Sustentabilidade Turística en Destino de Deza-Tabeirós e do Condado-Paradanta.