Movistar leva a súa 5G de 700 MHz ás comarcas do Val Miñor e de Ferrol

A operadora Movistar vén de anunciar a despregadura da comunicación 5G de 700 MHz en toda a comarca do Val Miñor e na comarca de Ferrol. Con este servizo Movistar achega maior penetración en interiores e universaliza algunhas das características das comunicacións 5G, como a baixa latencia. Despregouse esta tecnoloxía en 45 municipios da provincia de Pontevedra e 178 en toda Galicia.
Indo por partes, tres concellos da comarca do Val Miñor: Baiona, Nigrán e Gondomar, contan xa con cobertura da 5G de 700 MHz de Movistar, que continúa o subministro de nodos para chegar coa súa ultra banda ancha móbil ás máis de 45.000 persoas que viven nesta península, cuxa poboación aumenta na tempada estival. Así, na provincia de Pontevedra, Movistar despregou xa a súa 5G de 700 MHz en 45 municipios, que se elevan a 178 no conxunto de Galicia. O obxectivo da compañía é que ao terminar 2024 todo o territorio galego conte con ultra banda ancha, xa sexa por fibra óptica ou por 5G.
En canto á provincia da Coruña, Movistar despregou esta tecnoloxía en 65 municipios desta provincia en toda Galicia, que se elevan a 178 no seu conxunto. Os seis concellos da comarca de Ferrol: Ferrol, Ares, Fene, Mugardos, Narón e Neda, contan xa con cobertura da 5G de 700 MHz de Movistar, que continúa a súa despregadura de nodos para chegar coa súa ultra banda ancha móbil ás máis de 1302.000 persoas que viven nesta península, cuxa poboación aumenta no verán.
A banda de 700 MHz, tamén chamada banda baixa, ten unha maior penetración en interiores e universaliza algunhas das características das comunicacións 5G, como é a baixa latencia. É o complemento para a banda de 3,5 GHz na que tamén opera Movistar, axeitada para servizos que precisan de alta velocidade de transmisión, aínda que o seu alcance é menor e atravesa peor os atrancos, como as paredes dos edificios, algo que si posibilita o sinal na banda de 700 MHz.