Un fallo permite saltar a seguridade dos lectores de pegadas dalgúns equipos de Lenovo

Lenovo vén de recoñecer un fallo de seguridade no xestor de pegadas dixitais, que afecta a un bo número de equipos das familias ThinkPad, ThinkStation e ThinkCentre, que facilitaba o acceso aos equipos saltando o lector de pegadas dixitais e incluso descrifrando as credenciais actuais de Windows.
A aplicación vulnerable está dispoñible para Windows 7, 8 e 8.1, e permite tanto identificarse tanto para entrar no sistema como en distintas páxinas web mediante a pegada dixital nos equipos ThinkPad L560, ThinkPad P40 Yoga e P50s, ThinkPad T440, T440p, T440s, T450, T450s, T460, T540p, T550 e T560, ThinkPad W540, W541 e W550s, ThinkPad X1 Carbon (20A7 e 20A8) e X1 Carbon (20BS e 20BT), ThinkPad X240, X240s, X250 e X260, ThinkPad Yoga 14 (20FY) e Yoga 460, ThinkCentre M73, M73z, M78, M79, M83, M93, M93p e M93z e ThinkStation E32, P300, P500, P700 e P900.
Cómpre así que os usuarios con equipos afectados actualicen á última versión a aplicación Fingerprint Manager Pro para que manter a súa seguridade, aínda que por tranquilidade para moitos a vulnerabilidade só pode aproveitarse fisicamente.