Frean unha ameaza de seguridade que afectaba a centos de milleiros de routers

Nos últimos días está a alertarse globalmente dunha nova ameaza informática, o malware coñecido como VPNFilter, que afecta a varios routers e dispositivos de almacenamento en rede (NAS) e que pode espiar as comunicacións, aínda que parece estar centro especialmente nos sistemas de control industrial SCADA e ter marcado como obxectivo a equipos en Ucraína, polo que non debería ser especialmente preocupante en España.
Aínda que estamos ante unha ameaza de seguridade que principalmente afecta a dispositivos Linksys E1200, E2500 e WRVS4400N, TP-Link R600VPN, Netgear DGN2200, R6400, R7000, R8000, WNR1000 e WNR2000, QNAP TS251 e TS439 Pro (e outros trebellos con software QTS), e tamén routers con software de Mikrotik, aproveitando fallos de seguridade e os contrasinais predeterminados de varios dos dispositivos, este malware conseguiu espallarse por centos de milleiros de routers, o que levou ao FBI a anunciar que estaban a tomar medidas para frear este problema (para o que conseguiron unha autorización policial para incautar o dominio de Internet no que operara a infraestrutura detrás de VPNFilter.
Os fabricantes dos routers afectados deberían reinicialos ao seu estado de fábrica, actualizar os seus respectivos firmwares e procurar seguir as medidas de seguridade indicadas polos fabricantes, para que esta ameaza non se replique no futuro, aínda que non parece que en España haxa un número significativo de equipos afectados.