Twitter expulsará aos usuarios que abusen das conversas durante retransmisións en directo

A realización de retransmisións en directo a través das plataformas sociais supón todo un reto a nivel de moderación dos comentarios dos usuarios, xa que pode supor todo un problema para quen realiza o directo como para o conxunto de espectadores por culpa de usuarios pouco respectuosos, que crean un ambiente tóxico.
No caso de Twitter, tanto a través da súa propia aplicación como de Periscope ten medidas que permiten expulsar dunha retransmisión a usuarios molestos, podendo os usuarios denunciar a súa conduta, e para favorecer o desenvolvemento da comunidade sen crear rexeitamento aos sistemas de retransmisión en directo, dende Twitter anuncian que a partires do 10 de agosto contarán cun sistema de revisión das denuncias presentadas, de xeito que se expulsan repetidamente a un usuario das conversas en directo por violar as normas de participación suspenderán a súa conta en Twitter.
Twitter busca así que as emisións en directo en Twitter e Periscope sexan un espazo seguro, na que usuarios que abusan das ferramentas de conversa en tempo real poidan aproveitar as dificultades da moderación en vivo para presentar comportamentos nocivos.