Cada vez son máis as compañías que queren posicionarse no sector da electrónica para o fogar, e incluso IKEA ten unha liña de lámpadas conectadas (Trådfri) que compite directamente coa familia Philips Hue e que vai dar un paso decisivo grazas a un acordo con Xiaomi, de xeito que a partires de decembro en China será posible xestionar as lámpadas de IKEA a través da plataforma IoT de Xiaomi.
Estamos ante a primeira vez que Xiaomi chega a un acordo cunha compañía tecnolóxica chinesa, e semella que vai conseguir un grande beneficio con tal operación, xa que actualmente hai máis de 132 millóns de dispositivos conectados (sen contar móbiles e ordenadores) na plataforma IoT de Xiaomi, polo que contar con compatibilidade con esta infraestrutura domótica supón un grande atractivo para as lámpadas Trådfri, xa que poderán controlarse a través do asistente de voz de Xiaomi e da aplicación Mi Home.
Amais, as lámpadas de IKEA poderán interactuar con outros dispositivos de fogar conectado de Xiaomi, podendo tamén controlarse co Mi Control Hub de Xiaomi (que emprega o protocolo ZigBee ao igual que o dispositivo de conexión de IKEA).
As lámpadas de IKEA serán compatibles coa domótica de Xiaomi
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
