España gañou en 2018 case 600.000 internautas máis

Medra unha vez máis a poboación de internautas no ámbito estatal. A día de hoxe, de feito, a porcentaxe de persoas que se conectan a diario a Internet é xa do 70%. Amais, e o que é máis importante, en 2018 déronse novos pasos para combater a fenda dixital de idade, xa que subiu a poboación internauta na franxa comprendida entre os 65 e os 74 anos, situándose o colectivo de persoas que se conectan semanalmente nunha taxa do 42%, fronte a do 38% do ano anterior. Estes e outros datos figuran no Perfil Sociodemográfico dos Internautas publicado hoxe polo observatorio ONTSI de Red.es.
Nel, a xeito de grandes fitos, fanse saber cousas que como que en 2018 conectáronse a Internet 30.224.165 persoas (o que supón a existencia de 599.357 internautas máis que o ano anterior) ou que o acceso semanal a Internet entre a xente nova (entre os 16 e os 34 anos) supera o 95%.
Con respecto ao uso de Internet por características sociodemográficas, destaca a conexión á rede con frecuencia semanal dos estudantes, que engloba o 98,2%. Séguenlle, cun 93,6% as persoas ocupadas por conta allea.