WhatsApp permite escoitar as mensaxes de voz antes de mandalas

WhatsApp leva un tempo incorporando melloras nas mensaxes de voz, como permitir axustar a velocidade de reprodución das mensaxes, e agora fai oficial unha prestación moi agardada: poder escoitar as mensaxes de voz antes de envialas. Esta función estaba dispoñible a través dun truco que consistía en saír da aplicación ao rematar de gravar unha mensaxe de voz, de xeito que ao volver á mesma podía elixirse se enviar ou non a mensaxe, algo que agora poderemos facer sempre que realicemos unha gravación a través da función de gravación longa mediante o botón coa icona do cadeado (as notas de voz rápidas mandaranse ao momento).
Esta é unhas distintas novidades nas que levan tempo traballando dende WhatsApp, entre as que estaría a posibilidade de pausar unha gravación para poder continuala máis adiante e incluso a posibilidade de que as mensaxes de voz se transcriban automaticamente a texto, o que pode resultar moi práctico para ler mensaxes de voz cando non esteamos en condicións de escoitalas e, moi especialmente, para poder realizar buscas entre as mensaxes sonoras.