A plataforma tecnolóxica de audiovisual Movistar Plus+ confirmou a segunda tempada da serie galega Rapa, a serie de maior éxito esta tempada na devandita canle de streaming. Creada polos galegos Pepe Coira e Fran Araújo e ambientada entre Cedeira, Ferrol e a Serra da Capelada, este thriller criminal foi tamén a mellor estrea da plataforma desde a segunda tempada de Hierro, dos mesmos creadores.
A trama dos novos episodios estará centrada en Ferrol, onde un caso sen resolver volverá unir a Tomás (Javier Cámara) e Maite (Mónica López).
Segundo informa Movistar Plus+, Rapa logrou “un dato excepcional de consumo no seu primeiro mes de dispoñibilidade”, xa que o 75% dos clientes que viron o primeiro episodio completaron a tempada.
Rapa é unha serie orixinal Movistar Plus+ en colaboración con Portocabo.
A serie galega Rapa, o maior éxito da tempada en Movistar Plus+, terá segunda tempada
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
