A Maker Faire Galicia avanza os primeiros contidos para o seu novena edición

A feira Maker Faire Galicia, que se celebrará do 1 ao 4 de xuño, en formato híbrido, no Museo Gaiás da Cidade da Cultura, recibiu finalmente 70 proxectos nacionais e internacionais, os canles iranse desvelando nas próximas semanas na web do evento. De feito, a organización comezou a avanzar algún dos contidos máis destacados das xornadas. Nelas haberá referentes mundiais (e estatais e por suposto galegos) nos ámbitos da educación STEAM, a Intelixencia Artificial, a arte, os videoxogos, a biotecnoloxía, a enerxía, a divulgación científica ou a innovación inclusiva.
A xornada de Industria, que será o 1 de xuño en horario de mañá e tarde, contará entre outros coa presenza de Dimitris Petrotos, arquitecto grego, fundador de Solomon Ears e 3dsGR, inventor do taboleiro de 11 mm, o Medusa Bungaló e creador da Laddroller, unha cadeira de rodas eléctrica como resultado dun híbrido entre un exoesqueleto e unha cadeira de rodas. Ademais de Dimitris, esta xornada completarase con dúas mesas, unha sobre IA e outra sobre biotecnoloxía, e pecharase coa presentación dun proxecto “moi ilusionante no ámbito da enerxía”, en palabras da organización da feira (Vermis en colaboración co Concello de Santiago).
A xornada específica dedicada ao ámbito da educación, programada para o 2 de xuño, contará entre outros coa presenza de Samu, un maker de 13 anos de Gondomar coñecido como o príncipe do grafiti, e a divulgadora científica Eva Cabanelas. Ademais deles celebrarase unha mesa no ámbito da inclusión, con varios referentes a nivel nacional, así como a presentación dun dos proxectos IoT (Internet das Cousas), realizado por alumnos, máis destacado e máis premiado dos últimos anos.

Durante as xornadas abertas, que se celebrarán o 3 e 4 de xuño e estarán dirixidas a todos os públicos, ademais de poder interactuar cos mellores proxectos do ecosistema maker a nivel internacional, celebraranse numerosas charlas e obradoiros, os cales serán desvelados progresivamente pola organización.
Entre os contidos máis destacados deste ano estará a segunda edición do Hackathon de tecnoloxías de apoio, a cuarta edición da Game Maker JAM ou os talleres STEAM a cargo de VermisLAB.
O rexistro de asistentes para acceder aos contidos online xa está aberto e é totalmente gratuíto na web da feira.
A 9a edición da Maker Faire Galicia conta co apoio da Xunta de Galicia, o Concello de Santiago, a Fundación Cidade da Cultura, a Asociación para o Progreso da Dirección (APD) e o Círculo Financeiro de Galicia e realízase coa colaboración da Fundación Española para a Ciencia e a Tecnoloxía – Ministerio de Ciencia e Innovación.