Amouranth desvela o que ingresou en OnlyFans en 4 anos

Kaitlyn Michelle Siragusa, máis coñecida na Rede polo seu alcume Amouranth, continúa a arrasar en distintas plataformas explotando a súa imaxe de distintos xeitos, chegando a incluso ofrecer a posibilidade de conversar cunha versión de si mesma replicada mediante intelixencia artificial.
Pero unha vez máis sorprende ao mundo ao desvelar a inxente cantidade de cartos que ingresa a través da plataforma OnlyFans, xa que dende xaneiro de 2020 tería ingresado máis de 57 millóns de dólares brutos (que tradúcense e máis de 45 millóns de dólares netos), dos que 20 millóns corresponderíanse a subscricións dos usuarios, 26 millóns a mensaxes privadas e 10 millóns a propinas.
Os ingresos mensuais de Amouranth en OnlyFans son bastante irregulares, pero normalmente mantéñense preto do millón de dólares, non sendo a súa única fonte de ingresos, xa que tamén conta con moita actividade en plataformas tradicionais (como YouTube, Twitch e Patreon) e incluso fundou unha axencia de creadores de contido, deixando claro que vivir dunha actividade en liña non só pode ser posible, senón tamén moi lucrativo.