No marco das quintas Xornadas de Portas Abertas da Asociación de Persoas Xordas de Lugo, Signando as novas tecnoloxías, catro dinamizadores da Sociedade da Información veñen de presentar o dicionario E-SignoVisual, un catálogo práctico e virtual de termos tecnolóxicos que recibiu o pasado mes de xullo o premio do primeiro concurso de iniciativas da Rede de Dinamizadores da Consellaría de Innovación.
O devandito dicionario E-SignoVisual fai máis accesible a linguaxe tecnolóxica ás persoas xordas, de xeito que estas poidan achegarse ás novas tecnoloxías e se beneficien delas atopando novas oportunidades de integración.
Este peculiar dicionario está a disposición dos usuarios a través das páxinas web da Asociación de Persoas Xordas de Lugo e da Sociedade da Información, o que permitirá estender os seus beneficios a toda a colectividade de xordos de Galicia.
Na imaxe, integrantes da Asociación de Persoas Xordas de Lugo atopada na súa web oficial.
Preséntase en Lugo o dicionario de termos tecnolóxicos E-SignoVisual
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
