O Adobe Flash Lite 3 achega o vídeo ós dispositivos móbiles

Os usuarios de dispositivos móbiles avanzados poderán mellorar as súas posibilidades de navegación a través da web grazas á actualización do reprodutor lixeiro de Adobe Flash, que na súa versión 3 permite, entre outras cousas, a reprodución de vídeos FLV, ou sexa, que fai máis doado o acceso a vídeos na Internet nas distintas plataformas que empregan tal tecnoloxía.
Adobe Flash Lite 3 é unha versión reducida do Flash para poder funcionar en móbiles ou PDA, e non só fai posible o acceso a YouTube e outros servizos de vídeo, senón que tamén podería empregarse para a creación de intefaces baseados en Flash nos móbiles, polo que os menús e sistemas de manexo dos nosos terminais se poderían facer máis atractivos e con maior potencial multimedia, podendo servir tamén para a creación de novas aplicacións.
Actualmente hai uns 300 millóns de móbiles que teñen versións anteriores de Flash, e Adobe estima que para 2010 haberá uns 1.000 millóns de dispositivos móbiles con esta tecnoloxía.