Anuncian un emulador de PlayStation para o iPhone

O iPhone xa contaba con emuladores das consolas NES e GameBoy Advance, pero agora sorprenden co desenvolvemento dun emulador da PlayStation que xa comeza a estar operativo aínda que nunha fase pouco madura, polo que tardará un pouco en facerse público.
O psx4iphone amosará unha interface semellante á dos anteriores emuladores, e estiman que podería permitir o uso de ata o 75% dos xogos publicados para a primeira consola doméstica de Sony.
A principal desvantaxe destes emuladores está precisamente na interface de uso, pois están pensados en controles físicos, de xeito que a pantalla multi-táctil do iPhone non resulta moi cómoda para os xogos de acción, aínda que a experiencia de poder rememorar vellos títulos xa compensa a moitos usuarios.