Mercan centos de cámaras dixitais na web de El Corte Inglés aproveitando un erro no seu prezo

Grazas a un foro de Internet, centos de usuarios se decataron de que na web de El Corte Inglés unha cámara dixital Olympus (modelo C-505, tamén coñecido coma FE-170) aparecía cun prezo de 29,95 euros cando o normal era que se vendese a máis de 100 euros, o que fixo que se vendesen do redor de 1.000 cámaras (xa que algúns interesados adquiriron varias unidades).
Curiosamente, no foro no que xurdiu este fenómeno xa se están a mobilizar os compradores da cámara dixital agardando que o establecemento se negue a enviar os produtos pedidos e pagados, aínda que en vista do rebumbio que se está a formar podería ser que El Corte Inglés decidise atender os pedidos, pois non hai que esquecer que ata o momento a plataforma de usuarios afectados é de carácter preventivo.