Intel presenta os seus novos procesadores Atom

Intel presentou hoxe 5 novos procesadores Intel Atom e a tecnoloxía de procesador Intel Centrino Atom para dispositivos móbiles para Internet (MID) e outras solucións informáticas embebidas, ou sexa, toda unha familia de procesadores pensados para un reducido tamaño e un baixo consumo, apto para os novos equipos que achegarán acceso á Rede (que irán dende móbiles de altas prestacións ata ordenadores ultraportátiles).
Os novos procesadores chegarían ao mercado en xuño, e se agarda que a comezos do verán aparezan MIDs de distintos fabritantes que pretenderán satisfacer a demanda de produtos que acheguen conectividade de banda larga sen fíos (pois os procesadores Intel Centrino Atom ofrecerán soporte para moitas opcións de conectividade coma Wi-Fi, WiMAX e móbiles). Estes anuncios se fixeron no marco do Intel Developer Forum (IDF) que se está a celebrar en Shanghai.
O procesaro Intel Atom se ofrecerá en velocidades de ata 1,86 GHz e incluirá soporte para tecnoloxía Enhanced Intel SpeedStep e, algúns casos, tamén Hyper-Threading, polo que será o procesador máis rápido no rango de menos de 3 vatios, o que permitirá un uso satisfactorio da web (pois permitiría a reprodución de Flash e JavaScript) e mesmo de vídeo en alta definición.
Como exemplo de integración desta nova tecnoloxía temos un vídeo promocional do que será o Lenovo U8: