Hub USB integrado nun portarretratos

Para suplir a falta de portos USB nalgúns equipos existen concentradores (ou hubs) que permiten engadir máis dispositivos, pero dende GeekSuff4U.com comercializan un hub que pretende ter un uso adicional, xa que se pode usar coma marco para fotografías de 6,2 x 5,3 centímetros que conta cunha lixeira retroiluminación.

Este portarretratos que fai de concentrador USB mide 11,3 x 8,2 x 5,7 centímetros e permite a conexión de ata 4 dispositivos USB 2.0. Está á venda por 16 euros, o que explica que non se trate dun auténtico marco dixital.