O OT da galega, o Son de Estrelas 2008, que se emite semanalmente tódolos mércores a partires das 22.00 horas na TVG, segue a repartir 3 reprodutores MP3 cada día entre os espectadores da nosa cadea autonómica que votan polos seus concursantes favoritos vía SMS, chamando por teléfono ou accedendo á web oficial do programa.
Cada semana, a presentadora do programa musical da galega, Teté Delgado, dá a coñecer os nomes dos tres espectadores premiados pola súa fidelidade cun MP3 e lembra os números de teléfono e de SMS aos que deben enviar os seus votos para participar no sorteo semanal.
Asemade, Delgado pon sobre aviso ós espectadores que poden acceder á web sondestrelas.com onde, ademais de votar, os seareiros do programa poden comentar nun foro o mellor de cada actuación, volver a ver os programas xa emitidos, recompilar información sobre os concursantes e o equipo do programa ou descargar fotografías e vídeos das galas e dos seus participantes favoritos.
A devandita web tamén permite acceder a información relativa ao xurado e ao simpático azafato, Trillo, coñecido pola súa participación no programa Buscando estrelas, producido tamén pola galega.
O Son de Estrelas segue a repartir MP3 entre os seus espectadores
Compartir Este Artigo
-PUBLICIDADE-
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
- A Xunta renova os case 500 postos dixitais das oficinas rurais para adaptalos ás novas formas de traballo
