Google comeza a servir publicidade gráfica para móbiles

Este mércores o equipo de publicidade móbil de Google anunciou que van comezar a ofrecer publicidade gráfica para móbiles, de xeito que as versións portátiles de páxinas web con publicidade de Google comezarán a amosar a nova publicidade, que xa non se limitará ao texto, e que quedará claramente etiquetada para non confundirse con outros contidos gráficos.
Os anuncios teñen tamaños de 305 x 64, 215 x 34, 192 x 53 e 167 x 30 píxeles, de xeito que son válidos para as reducidas pantallas dos móbiles, que non primeiro momento se probarán en 13 mercados: Australia, China, Francia, Alemaña, India, Irlanda, Italia, Xapón, Holanda, Rusia, España, Reino Unido e Estados Unidos.
Os responsables de webs que queiran aproveitar esta nova canle publicitaria deberán actualizar o código incrustado nas súas páxinas.