Popfly fai posible crear videoxogos web sen saber programar

Facer videoxogos está case ao alcance de calquera grazas a Popfly, unha ferramenta web de Microsoft baseada en Silverlight (a resposta da compañía de Redmond ao Flash de Adobe) que permite escoller os escenarios, programar o movemento, escoller o comportamento dos personaxes, elixir a música… para facer un xogo a medida sen saber programar.
O Game Creator de Popfly pode partir de varios xogos base tipo Arkanoid ou Space Invaders, así como crear xogos dende cero, que aínda que serán relativamente básicos, a diversión estará máis na súa personalización que no seu uso. Os xogos creados poderán usarse na web de Popfly (na que xa hai toda unha chea de exemplos) ou integrarse en calquera páxina web.