Caixanova promove o pagamento de impostos a través da Internet

O pagamento de impostos a través da Rede supón unha prestación moi atractiva para os cidadáns, xa que facilita os trámites que noutros tempos era máis lentos e complexos, e para promover este tipo de práctica Caixanova ten na súa páxina web un servizo dirixido a empresas que permite calcular, tramitar e pagar todos os impostos da Axencia Tributaria.

Virtual Fisc é o novo servizo de Caixanova que permite xestionar os requirimentos fiscais coa Axencia Tributaria, realizando todos os cálculos e comprobacións necesarias para preparar, presentar e pagar os impostos de sociedades tanto para microempresas e PEME como de grandes empresas, pois se adapta a cada modelo oficial de presentación de impostos.

Calculada a liquidación, o servizo fai doado o pagamento en liña a través da caixa electrónica da entidade, e mesmo inclúe un sistema de alertas por correo electrónico que avisa dos vencementos de cada un dos impostos e un histórico de datos para aforrar a introdución dos mesmos datos en moitas ocasións.

Pero Virtual Fisc só é un dos moitos servizos de Caixanova, pois os seus clientes tamén poden empregar o servizo financeiro Enova para enviar o resultado da súa declaración da renda (previamente elaborado co programa PADRE) sen necesidade de utilizar a sinatura dixital, pois o usuario xa está identificado na web, o que complementan con dos produtos específicos relativos á declaración, que serían a posibilidade de anticipar as devolucións do IRPF ou a o financiamento dos pagos a realizar.